Karl Lagerfeld modalar öýi Amsterdamda özüniň ilkinji firma kafesini açdy. Brendiň baş edarasynyň ýanynda ýerleşýän bu kafe myhmanlary Karl Lagerfeldiň mirasy bilen tanyşdyrmak üçin niýetlenen täze taslamadyr diýip, WWD ýazýar.
“Biz adamlaryň Karlyň dünýäsine modadan daşary, täzeçe girip biljek ýerini döretmek isledik” - diýip, modalar öýüniň baş direktory Pýer Paolo Rigi belledi.
Menýuda ýerli Pantopia atelýesi bilen hyzmatdaşlykda döredilen kofe we süýjülikler bar. Brendiň baş direktory Pýer Paolo Riginiň aýtmagyna görä, taslamanyň maksady adamlaryň Karl Lagerfeldiň dünýäsi bilen täze usulda tanşyp biljek giňişligini döretmekdi.
Şeýle hem, kafede kitaplar, kolleksiýalar, aksessuarlar we brendiň esaslandyryjysynyň nyşanlarynyň birine öwrülen ak köýnek bar.
Içki bezeg Karl Lagerfeldiň döwrebap dükanlary bilen birmeňzeş esasda ýerine ýetirilen, olar ilkinji gezek 2024-nji ýylda Londondaky Regent Street butikinde açylypdy. Bezeginde tutuksy metal, tebigy daş, işlenmedik beton we ýüzüň görünýän üstler ulanylypdyr.
