Hukuk meseleleri boýunça raýatlaryň nobatdaky jemgyýetçilik kabul edişligi 5-nji sentýabrda geçiriler. Bu baradaky bildiriş «Türkmenistan» gazetinde çap edildi.
Kabul edişlik Türkmenistanyň Adalat ministrliginiň, Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzalarynyň gatnaşmagynda guralýar.
Ol Aşgabat şäheriniň Arçabil şaýolunyň 150-nji jaýynda — Türkmenistanyň Adalat ministrliginiň binasynda geçirilýär.
- Wagty: sagat 9:00-dan 12:00-a çenli.
- Habarlaşmak üçin telefon belgileri: 39-19-20, 39-19-21.
