Rassell «Formula-1-iň» Azerbaýjan Gran-prisiniň ýeňijisi boldy

«Mercedes» toparynyň beýik britaniýaly sürüjisi Jorj Rassell «Formula-1» çempionatynyň möwsümdäki 15-nji tapgyry bolan Azerbaýjanyň Gran-prisiniň ýeňijisi boldy.

Bu ýyl Azerbaýjandaky ýaryş 27-nji sentýabrda ýurtda Hatyra gününiň bellenilýändigi sebäpli, adatdakysy ýaly, ýekşenbe güni däl-de, şenbe güni geçirildi.

28 ýaşly Rassell karýerasynda sekizinji, möwsümdäki bolsa üçünji ýaryşynda ýeňiş gazandy.

Ikinji orny niderlandly Maks Werstappen («Red Bull»), üçünji orny bolsa onuň topardaşy, fransiýaly Isak Hajar eýeledi.

Kwalifikasiýada bolidini döwüp, ýaryşa 16-njy orundan başlan häzirki möwsümiň lideri Andrea Kimi Antonelli («Mercedes») netijede bäşinji orny eýeledi.

Azerbaýjanyň Gran-prisinden soň şahsy hasapda top-5 şeýle görnüşde:

1. Kimi Antonelli (Mercedes) – 292 utuk;
2. Jorj Rassell (Mercedes) – 211;
3. Lýuis Hemilton (Ferrari) – 191;
4. Lando Norris (McLaren) – 186;
5. Şarl Lekler (Ferrari) – 167;
6. Maks Werstappen (Red Bull) — 163 utuk;
7. Oskar Piastri (McLaren) — 120 utuk;
8. Isak Hadžar (Red Bull) — 86 utuk;
9. Liam Lowson (Racing Bulls) — 59 utuk;
10. Pýer Gasli (Alpine) — 41 utuk.

Konstruktorlaryň kubogy:

1. «Mercedes» – 503 utuk;
2. «Ferrari» – 358;
3. «McLaren» – 306;
4. «Red Bull» – 230;
5. «Racing Bulls» – 77.