Ilon Maskyň SpaceX kompaniýasy Halkara kosmos stansiýasyna (HKS) diňe kosmos syýahatçylaryndan ybarat ilkinji ekipažyny ýollady.
Crew Dragon kosmos gämisinde Falcon 9 raketasy Floridada Kanaweral burnunda ýerleşen kosmodromdan bat aldy. Ekipažyň düzümine ABŞ-ly telekeçi Larri Konnor, ysraýylly işewür Eýtan Stibbe we kanadaly maýa goýumçy Mark Peti girýär. Korablyň serkerdesi NASA-nyň öňki astronawty we Axiom kompaniýasynyň wise-prezidenti Maýkl Lopes-Allegriadyr.
Raketa-göterijiniň birinji basgançagy goýberilenden on minut soň awtomatik usulda Atlantik ummanyndaky ýüzýän palatforma gondy. Crew Dragon älem giňişligine çykdy.
Ozal SpaceX kosmos syýahatçylaryny älem giňişligine ugradýardy we HKS-na astronawtlary eltýärdi. Ekipaž stansiýada sekiz gün bolar we barlaglara gatnaşar.
Köpçülikleýin habar beriş serişdeleriniň maglumatlaryna görä, Konnor, Stibbe we Peti uçuş üçin $55mln töläpdirler. Nyrh resmi taýdan mälim edilenok.
