Bloomberg-den žurnalist Mark Gurmanyň maglumatlaryna görä, Apple kompaniýasy “geljek birnäçe hepdede” ýene bir tanyşdyrylyş dabarasyny geçirer. Onda kompaniýanyň ýedi sany täze gurluş hödürlemegine garaşylýar:
- M4 prosessorynda MacBook Pro 14 (J604);
- M4 Pro-da MacBook Pro 14 we 16 (J614, J616);
- M4-de iMac 24 (J623);
- M4-de we M4 Pro-da Mac mini (J773);
- 11-nji nesil iPad;
- 7-nji nesil iPad mini.
Gurmanyň habar bermegine görä, bu gurluşlaryň köpüsi eýýäm önümçilige goýberildi we kompaniýanyň ammarlaryna eltilýär. Apple-iň ikinji güýzki tanyşdyrylyşynyň oktýabr aýynyň ahyrynda bolmagyna garaşylýar.
M4 prosessoryna esaslanýan täze MacBook Air-iň (J713, J715) 2025-nji ýylyň birinji çärýeginde, Mac Studio-nyň (J575) 2025-nji ýylyň ortasynda çykmagyna garaşylýar, täze Mac Pro bolsa (J704) 2025-nji ýylyň güýzünde çykar.
