Ýaponiýa zenanlaryň ömür dowamlylygynyň garaşylýan görkezijisi boýunça dünýäde ýene birinji orny eýeledi. Ýurduň Saglygy goraýyş ministrliginiň maglumatlaryna görä, 2025-nji ýylda bu görkeziji 87,33 ýaşa ýetdi.
2024-nji ýyl bilen deňeşdirilende zenanlaryň garaşylýan ömür dowamlylygy 87,13 ýaşdan 87,33 ýaşa çenli artdy. Ýaponiýa bu görkeziji boýunça eýýäm yzygiderli 41-nji ýyl dünýä liderligini saklap gelýär.
Ýurtda erkekleriň ömür dowamlylygynyň ortaça garaşylýan görkezijisi geçen ýyldaky 81,09 ýaşa garanyňda 81,35 ýaşa deň boldy. Bu görkeziji boýunça Ýaponiýa dünýäde ýedinji orny eýeläp, aýratyn-da, Şwesiýadan, Norwegiýadan we Italiýadan yza galýar.
Geçen ýyllarda Ýaponiýada ömür dowamlylygy koronawirus pandemiýasy sebäpli peselipdi, ýöne 2023-nji ýylda görkeziji ýene ösüp başlady we şondan bäri artmagyny dowam etdirýär.
