"Möý adam: Täze gün" filminiň bikanun göçürmesi ilkinji gezek görkezilişinden gysga wagt soň köpçülige elýeterli boldy. Variety žurnalynyň habar bermegine görä, film 31-nji iýul agşamy X sosial ulgamynyň saýtynda ýerleşdirilipdir.
Film alty sagadyň dowamynda 5,9 million gezek görlüp, oňa 140 müňden gowrak "like" basyldy.
Wideo Marvel-iň talap etmegi boýunça 1-nji awgustda aşgabat wagty bilen sagat 3:35-de aýryldy. Ýaňy-ýakynda X platformasynda Kristofer Nolanyň "Odisseýa" filminiň göçürmesi hem birugsat paýlaşylypdy.
Filmiň prokatda ilkinji günler uly üstünlik gazananlygynam bellemek gerek. Diňe ABŞ-daky ilkinji görkezişlerde ol 72 million dollar girdeji gazandy we "Ar alyjylar" filminiň soňky bölüminiň goýan öňki rekordyndan (60 million dollar) geçdi.
Piter Parkeriň başdangeçirmeleriniň dördünji bölüminiň ABŞ-nyň kassa ýygymlarynda birinji week-end rekordyny goýmagyna garaşylýar. Çaklamalara görä, filmiň dünýäde gazanjak girdejisi eýýäm açylyş hepdesinde 900 million dollardan geçmegi ähtimal, bu bolsa ony kino taryhynda diňe "Ar alyjylar: Soňky bölüm" (1,2 milliard dollar) filminden soň ikinji iň şowly başlangyç bolmagyna getirer.
