19-22-nji awgust aralygynda dowam edýän «Kids Expo: ähli zat çagalar üçin» halkara sergi-ýarmarkasynyň çäginde Sleepy kompaniýasy ýene-de iň kiçijik gatnaşyjylar üçin emedeklemek bäsleşigini guraýar. Bu barada guramaçylar sosial torlarda habar berdi.
Bu gyzykly çäre 22-nji awgustda sagat 09:00-dan 11:00-a çenli Türkmenistanyň Söwda-senagat edarasynyň Sergi toplumynda geçiriler.
Bäsleşige diňe özbaşdak ýöremegi öwrenmedik körpeler goşulyp biler. Gatnaşmak üçin esasy we hökmany şert çaganyň dogluş hakynda şahadatnamasynyň ene-atalaryň ýanynda bolmagydyr — bu resminama bolmasa körpejeler ýaryşa gatnaşyp bilmez.
Gatnaşyjylary öňünden hasaba almak +993 62 442028 telefon belgisi boýunça amala aşyrylýar.
Salgysy: Aşgabat ş., Çandybil şaýoly, 143-nji jaý
