9-njy oktýabrda günüň ikinji ýarymynda daşary ýurtly estrada ýyldyzlarynyň konserti geçiriljek «Aşgabat» stadionyna goşmaça awtobus ugurlary ýola goýlar.
Sagat 14:00-dan başlap stadionyň ýanyndaky duralga Gurtly — Parahat ugurly 14-lik awtobus we Wokzal — «Arkadag» oteli ugurly 54-lük awtobus barar.
Häzirki wagtda Bagtyýarlyk köçesindäki duralga 142 we 57 belgili awtobuslar gatnaýar:
- 142-lik awtobus Gurtly — Kardiologiýa merkezi ugry boýunça gatnaýar we Gurtly tarapdan gelende stadionyň ýanynda saklanýar.
- 57-lik awtobus Awtokombinat — «Arkadag» oteli aralygynda gatnaýar we Awtokombinat tarapdan geleninde duralga barýar.
Gatnawlaryň wagt aralygy şeýle bolar:
- №14 — 7 minut;
- №54 — 14 minut;
- №57 — 10 minut;
- №142 — 25 minut.
Goşmaça ugurlar 9-njy oktýabrda konserte gitjek tomaşaçylaryň amatlylygy üçin ýola goýuldy. Ýatlap geçsek, paýtagtyň ýaşaýjylary we myhmanlary üçin türkiýeli pop-ýyldyzlar Murat Boz we Hadise, russiýaly aýdymçy Nýuşa hem-de liwanly ýerine ýetiriji Maýa Diab çykyş eder.
