Halkara Siena Drone Photo Awards 2026 bäsleşigi dronlardan, dikuçarlardan, uçarlardan, howa şarlaryndan we beýleki uçýan enjamlardan düşürilen fotosuratlary jemledi.
Gatnaşyjylaryň işleri tomaşaçylara adaty tebigy görnüşleri we wakalary üýtgeşik belentlikden, garaşylmadyk nukdaýnazardan synlamaga mümkinçilik berýär.
Bu suratlarda dürli wakalar we tebigat görnüşleri şekillendirilýär. Olaryň arasynda tüweleýiň, gämileriň sökülişiniň, gyzylinjikleriň, ak barslaryň, pingwinleriň, krokodiliň we ak aýynyň suratlary bar.
Bäsleşigiň iň gowy suratlary:
- «Şäher gurşawy» ugry boýunça birinji orun — «Ene tebigat», Kuweýtiň Mübärek Al-Kabir şäherine tozanly harasadyň aralaşýan pursady / © Abdullah Benayan
- «Şäher gurşawy» ugry boýunça ikinji orun — «Iki döwrüň çatrygynda», Günorta Koreýanyň Pusan şäheriniň Mulmangol sebiti / © Sanghoon Park
- Ýylyň suraty — «Bengal aýlagynyň palçykly kenarýakalarynda gämileriň sökülişi» / © George Steinmetz
- «Ýabany tebigat» ugry boýunça birinji orun — «Görer gözden sowa ýerde». Gaýalaryň arasynda gizlenip oturan iki sany ak bars çagasy. / © Awais Ali Sheikh
«Ýabany tebigat» ugry boýunça ikinji orun — «Çagalar bagynyň goragçysy». Tuz kölüniň şorlugynda tebigy «çagalar bagyna» ýygnanan müňlerçe etenäniň arasynda duran ýeke-täk uly gyzylinjik / © Seyit Konyalı
- «Ýabany tebigat» ugry boýunça eminleriň ýokary bahasy — «Maňa garaşaweriň!» / © Rick Beldegreen
- «Ýabany tebigat» ugry boýunça eminleriň ýokary bahasy — «Typmak wagty» / © Joanna Steidle
- «Ýabany tebigat» ugry boýunça eminleriň ýokary bahasy — «Ýüzýän aýy». Buz bölekleriniň arasyndan ýüzüp barýan polýar aýysy / © Jeroen Van Nieuwenhove
- «Tebigat» ugry boýunça birinji orun — «Maharlu kölündäki gyzylinjikler» / © Ali Azar
- «Tebigat» ugry boýunça eminleriň ýokary bahasy — «Beýik Tumpak Sewu şaglawugy» / © Colas Decloitre
Bäsleşik synlaýyş nokadynyň üýtgemeginiň adaty tebigy görnüşleri kabul edişimize nähili täsir edip bilýändigini görkezýär.
