Italiýaly tennisçi Ýannik Sinner Sinsinnatide geçirilen “Masters” ýaryşynda ýeňiş gazanyp, möwsümde bu derejedäki ýaryşlaryň ilkinji iki gezek çempiony boldy. Ol finalda amerikaly Frensis Tiafony 7:6 (7:4), 6:2 hasabynda utdy. Oýun 1 sagat 38 minut dowam etdi.
Sinsinnatidäki ýeňiş Sinner üçin möwsümde bäşinji titul boldy. Mundan öň, ol Maýamidäki, Rotterdamdaky, Galledäki ýaryşlarda we Australian Open-de titula eýe boldy. Mundan başga-da, Sinner soňky 16 ýylda Sinsinnatide iň ýaş çempion boldy.
Finaldaky ýeňşi üçin Sinner 1000 reýting utugyny we $1 mln alar. Tiafo 650 utuk we $573 müň gazandy.
