“Uly tuwulga” ýaryşlarynyň dört gezek çempiony, dünýäniň üçünji raketkasy Karlos Alkaras Rotterdamda (Niderlandlar) geçen ATP-500 ýaryşynyň çempiony boldy. Ol finalda dünýäniň sekizinji raketkasy, awstraliýaly Aleks de Minory utdy.
Oýun 6:4, 3:6, 6:2 hasabynda tamamlandy. Duşuşyk 1 sagat 54 minut dowam etdi.
Alkaras Rotterdamda geçirilýän ATP-500 ýaryşynda ýeňiş gazanan ilkinji ispaniýaly türgen boldy.
Niderlandlardaky ýaryş 3-nji fewraldan 9-njy fewral aralygynda geçirildi. Onuň umumy baýrak gaznasy 2,5 mln ýewro boldy.
