ABŞ-nyň Goşunynyň inženerler bölegi Nýu-Ýork şäherini güýçli şumal tolkunlaryndan we suw joşmalaryndan gorajak ägirt uly ulgamyň taslamasyny hödürledi. Bu taslamanyň esasy bölegi Rokhaweý ýarym adasy bilen Nýu-Jersi kenarýakasynyň arasynda guruljak, uzynlygy 10 kilometre barabar bolan gorag böwedi bolar.
Bu taslamanyň üstünde işlemäge 2012-nji ýylda şähere weýrançylyk getiren «Sendi» harasatyndan soň başlandy. Şol wagt suw joşguny Nýu-Ýorkuň çäginiň takmynan 17 göterimini suwa gark edipdi, 2,5 million adam elektrik togundan mahrum galypdy we umumy zyýan 19 milliard dollardan geçipdi.
Hödürlenilýan ulgam emeli adalaryň, gaçylaryň, şemal böwetleriniň, gorag relýefleriniň we açylyp-ýapylýan gurnamalaryň toplumyndan ybaratdyr. Bu ulgamda iň esasy orny gämi duralgasynyň maksadalaýyk möhüm ýerlerinde ýerleşdiriljek bäş sany iri böwet eýelär.
Adaty şertlerde bu gurnamalar gämi gatnawy we suwuň tebigy aýlanyşygy üçin açyk saklanar. Olary diňe adatdan daşary güýçli şemallar we harasatlar bolan wagtynda ýapmak meýilleşdirilýär.
Bu ulgam Nýu-Ýorkda, Long-Aýlendde, Nýu-Jersiniň demirgazyk böleginde we Gudzon derýasynyň jülgesinde ýaşaýan 25 milliondan gowrak adamy goramak üçin niýetlenendir. Gurluşygyň başlanmagy deslapky çaklamalara görä 2030-njy ýyla meýilleşdirilýär, taslamany doly durmuşa geçirmek bolsa takmynan on ýyl çemesi wagt alar.
