Awstraliýanyň döwlet edaralarynda iş ýerlerinde kameraly akylly äýnekleri gadagan etmek mümkinçiligine garalýar diýip, Reuters habar berýär.
Bu başlangyç howpsuzlyk we maglumatlaryň gizlinligi bilen bagly ätiýaçlara esaslanýar. Kabul edilen ýagdaýynda, bu çäre dünýäde ilkinji şeýle çäklendirme bolar.
Kanun taslamasyny işläp düzmek üçin häkimiýetler ýurduň iri iş berijileri, şol sanda Microsoft, Commonwealth Bank, Telstra we AGL bilen maslahatlaşmalary geçirer.
Bu başlangyç ýurduň sanly düzgünleşdirmäni has-da berkitmek ugrundaky syýasatyny dowam edýär. Geçen ýyl Awstraliýa dünýäde ilkinji bolup ýetginjeklere sosial ulgamlardan peýdalanmagy gadagan edipdi.
«Men Awstraliýanyň sanly howpsuzlyk boýunça dünýä standartlaryny girizýändigine buýsanýaryn» diýip, premýer-ministr Entoni Albaneze belleýär.
