Samsung kompaniýasy Luwr muzeýiniň kolleksiýasyndan 34 sany täze sanly sungat eserini goşmak bilen, «Art Store» hyzmatynyň katalogyny giňeldýändigini yglan etdi.
Indi degişli telewizorlaryň ulanyjylary üçin dünýäniň iň uly muzeýleriniň birinden eýýäm 51 sany eser, şol sanda Leonardo da Winçiniň meşhur «Mona Liza» suraty hem elýeterlidir.
«Art Store» — bu telewizoryň ekranynda görkezmek üçin sanly sungat eserleriniň we fotosuratlaryň kolleksiýasyny hödürleýän Samsung-yň ýazylyşyk arkaly elýeterli hyzmatydyr. Ýygyndyda eýýäm dünýä muzeýlerinden we galereýalaryndan 5000-den gowrak eser jemlendi. Kompaniýa bu hyzmaty 115-den gowrak ýurtda hödürleýär we şol bir wagtyň özünde 800-den gowrak suratkeş bilen hyzmatdaşlyk edýär.
«Art Store» hyzmaty Samsung-yň 2025-nji ýyldaky Neo QLED 8K, Neo QLED 4K, The Frame, The Frame Pro, Q8F, Q7F we The Movingstyle modelleri üçin göz öňünde tutulandyr. Şeýle hem ol Micro RGB, OLED, Neo QLED we Mini LED panelleri bolan 2026-njy ýyldaky ähli telewizorlar bilen doly sazlaşýar.
OLED modelleriniň arasynda bolsa bu hyzmat diňe Samsung S95H halkara we S99H ýewropa wersiýasyna girizildi.
