Bangladeşiň Prezidenti Mohammad Şahabuddin saglyk ýagdaýy sebäpli wezipeden çekilmek barada arza berdi. Bu barada döwlet Baştutanynyň degişli arzasyny alandan soň, Milli Assambleýanyň spikeri Hafiz Uddin Ahmed metbugat maslahatynda habar berdi.
«Banglanews24» portalynyň maglumatlaryna görä, Prezident öz arzasynda ýürek keseli, ýokary gan basyşy, süýji keseli, böwrek gaýra üzülmeleri we wegetatiw neýropatiýa sebäpli öz borçlaryny ýerine ýetirmegi dowam etdirip bilmeýändigini görkezdi.
Prezidentiň borçlaryny wagtlaýynça parlamentiň spikeri ýerine ýetirer. Döwletiň täze Baştutany 90 günüň dowamynda saýlanmalydyr.
Mohammad Şahabuddin 1949-njy ýylyň 10-njy dekabrynda Pabna şäherinde doguldy. Ol hünäri boýunça hukukçy we psihologdyr. Dürli ýyllarda mugallym we žurnalist bolup işledi, aklawçylyk tejribesi bilen meşgullandy, kazy we Bangladeşiň Korrupsiýa garşy komissiýasynyň komissary boldy.
Şahabuddin prezidentlik wezipesini 2023-nji ýylyň aprelinde eýeläpdi.
