Xiaomi 16 belgini taşlap, bir nesil öňe böküp, birden Redmi Note 17 tapgyryny hödürlemek kararyna geldi. Smartfonlar ägirt uly akkumulýatorlary bilen Hytaýda eýýämden uly seslenme döretmäge ýetişdi, indi bolsa Ýewropa bazaryna çykmaga taýýarlanýar.
Ytechb neşiri brendiň meýilnamalaryny we täze önümleriň ýewropadaky nyrhlaryny aýan etdi.
Syzdyrylan maglumatlara görä, Ýewropada bu tapgyr bäş model bilen hödürleniler:
- Redmi Note 17 4G (4/128 GB) — €250
- Redmi Note 17 4G (6/256 GB) — €300
- Redmi Note 17 5G (6/256 GB) — €400
- Redmi Note 17 Pro (6/256 GB) — €500
- Redmi Note 17 Pro Max (8/256 GB) — €600
600 ýewrolyk iň ýokary model däp bolşy ýaly geçen ýylky flagman enjamlaryň we bäsdeşleriň öňdebaryjy subflagmanlarynyň ýerleşýän hataryna girýär.
Redmi Note 17 Pro-nyň hytaý modifikasiýasynda 9000 mA/sag sygymly akkumulýator ornaşdyrylan, bu käbir planşetleriň görkezijileri bilen deňleşýär we birnäçe günläp zarýad diýen zady unutmaga mümkinçilik berýär. Syzdyrylan maglumata görä, global görnüşi hem meňzeş batareýany alar.
Enjam orta derejeli 4 nanometrlik Qualcomm Snapdragon 6s Gen 4 prosessor, şeýle hem 1.5K durulygy, 120 Gs täzeleniş ýygylygy we 3500 nit iň ýokary ýagtylygy bolan 6,83 dýuýmlyk AMOLED ekran bilen üpjün edilendir.
Halkara bazary üçin kompaniýa kameralaryň häsiýetnamalaryna täzeden seretdi. Esasy Redmi Note 17 5G-iň global görnüşi hytaý görnüşindäki 50 MP ornuna 108 MP-lik esasy sensory alyp biler. Pro modelinde 50 MP we 2 MP-lik datçikleriň toplumy ornaşdyrylan, şunda ultra giň burçly modul ýok.
Redmi Note 17 tapgyry kameralar we çipset babatda tygşytlamak bilen, awtonom iş wagtyna we ekran ölçeglerine ünsi çekýär. Ýewropa bazary üçin bellenilen bahalar bäsdeşlik çözgütleriniň arasynda saýlamaly bolanda görnetin täsir edip biler.
