Ýewropa Bileleşiginiň Türkmenistandaky wekilhanasy ýurduň Medeniýet ministrligi bilen bilelikde 2026-njy ýylyň noýabr aýynda Türkmenistanda Ýewropa medeniýetiniň günleriniň geçiriljekdigini yglan etdi.
Medeni maksatnamanyň çäklerinde tomaşaçylara italýan jazz aýdymçysy we ýerine ýetirijisi Simona De Rozanyň çykyşy garaşýar.
Çykyş 20-nji noýabrda Magtymguly adyndaky milli sazly drama teatrynda bolar. Başlanýan wagty sagat 19:00.
Guramaçylar paýtagtyň ýaşaýjylaryny we myhmanlaryny sungat baýramyna goşulyp, ajaýyp aýdym-sazlardan lezzet almaga çagyrýar.
