Agyr atletika boýunça Türkmenistanyň milli ýygyndy topary 2026-njy ýylyň 27-nji oktýabry — 8-nji noýabry aralygynda Hytaýyň Ninbo şäherinde geçiriljek 91-nji dünýä çempionatyna gatnaşar. Milli ýygyndynyň düzüminde 10 sany türgen çykyş eder.
Milli ýygyndynyň düzümi:
Zenanlar:
Ogulşat Amanowa (53 kg çenli)
Şabnam Kerimbaýewa (57 kg çenli)
Medine Amanowa (69 kg çenli)
Gülälek Kakamyradowa (77 kg çenli)
Anamjan Rustamowa (86 kg çenli)
Erkekler:
Didarbek Jumabaýew (75 kg çenli)
Bektimur Reýimow (75 kg çenli)
Gaýgysyz Töräýew (85 kg çenli)
Rüstem Annaberdiýew (95 kg çenli)
Şahzadbek Mätýakubow (110 kg çenli)
Ninbodaky DÇ-2026 Halkara agyr atletika federasiýasy tarapyndan agram derejeleriniň täze ulgamy kabul edilenden soňky ilkinji dünýä çempionatydyr. IWF agram derejelerine we kilogram çäklerine gaýtadan seredip, olara üýtgeşmeleri girizdi. Şol sebäpli häzirki ýaryşda medallar ozalky 20 agram derejesiniň deregine 16 agram derejesinde — erkekleriň we zenanlaryň hersinde 8 agram boýunça gowşurylar.
Ninbodaky ýaryşyň 2028-nji ýylda Los-Anjelesde (ABŞ) geçiriljek tomusky Olimpiýa oýunlaryna saýlama ýaryşy hökmünde ähmiýeti uludyr.
Hytaý öz taryhynda eýýäm ikinji gezek agyr atletika boýunça dünýä çempionatyny kabul edýär, bu ýurtda ilkinji dünýä birinjiligi 1995-nji ýylda geçirilipdi.
