13-nji iýulda ABŞ-nyň Neşwil şäherinde geçirilen UFC on ESPN 70 ýaryşynyň esasy tutluşygynda agyr agramda amerikaly söweşiji Derrik Lýuis braziliýaly Tallison Teýşeýrony birinji raundda 35-nji sekuntda tehniki nokaut bilen ýeňdi.
Lýuis ilkibaşda garşydaşyndan urgy aldy, emma tizden hüjüme geçip, Teýşeýrany aýakdan düşürip, onuň üstüne urgy ýagdyrdy. Emin söweşi saklady. Bu ýagdaý braziliýaly söweşijiniň burçunda nägilelik döretdi — onuň tälimçileri tutluşygyň wagtyndan öň saklanandygyny aýtdylar.
Bu ýeňiş Lýuis üçin karýerasynda 29-njy boldy. Onuň hasabynda şeýle hem 12 ýeňliş we 1 netijesiz tamamlanan söweş bar. Teýşeýra bolsa MMA-da alty ýeňiş gazanypdy, bu bolsa onuň ilkinji ýeňlişi boldy.
