19-njy iýulda Türkmenistanyň daşary işler ministri Raşid Meredow bilen Tunis Respublikasynyň daşary işler, migrasiýa we daşary ýurtlardaky tunisliler boýunça ministri Mohamed Aly Nafti telefon arkaly söhbetdeşlik geçirdiler.
Türkmenistanyň DIM-niň habar bermegine görä, taraplar ikitaraplaýyn gatnaşyklaryň häzirki ýagdaýy we ösüş mümkinçilikleri boýunça pikir alşyp, özara gatnaşyklary has-da ösdürmäge bolan gyzyklanmalaryny belläp geçdiler.
Söhbetdeşligiň dowamynda BMG-niň deňze çykalgasy bolmadyk ösüp barýan ýurtlar boýunça III maslahatynyň (LLDC 3) guramaçylyk meselelerine aýratyn üns berildi.
