Türkmenistanyň kiokuşinkaý karate boýunça ýygyndy topary Merkezi Aziýa Kubogyna gatnaşmak üçin Özbegistana ugrady. Ýaryş 18–20-nji awgustda Daşkent şäherinde geçiriler.
Sebitdäki iň güýçli türgenleri jemlejek ýaryş türkmen karateçileri üçin 2025-nji ýylyň 28–31-nji noýabry aralygynda Ýaponiýanyň Maebasi şäherinde geçiriljek Dünýä çempionatyna taýýarlygyň möhüm tapgyry bolar.
Milli ýygyndymyzyň wekiliýetine Meýlis Paşagulyýew ýolbaşçylyk edýär. Toparda 40 türgen we 3 tälimçi bar.
