iFixit-iň hünärmenleri «Trump Mobile» smartfonuna bejerilme mümkinçiligi boýunça 10 baldan bary-ýogy 3 bal berdiler we bu enjam tutuşlygyna diýen ýaly «HTC U24 Pro» modelini gaýtalaýar diýen netijä geldiler.
Barlagçylar iki smartfony hem dargatdylar we olardaky bölekleriň, berkidiji elementleriň hem-de goraýjy stikerleriň ýerleşişiniň birmeňzeşdigini habar berdiler. Ýeke-täk üýtgeşiklik batareýada ýüze çykdy: «Trump Mobile-yň» batareýasynyň kuwwaty 400 mAch (milliamper-sagat) köp eken.
Barlagyň barşynda hünärmenler iki enjamyň şaýlaryny çalşyp gördüler we olaryň işleýşinde hiç hili düýpli tapawut ýüze çykarmadylar.
iFixit ne HTC-niň, ne-de «Trump Mobile-yň» bejermek üçin asyl nusgadaky ätiýaçlyk şaýlaryny we görkezmeleri hödürlemeýändigini belledi. Mundan başga-da, «Trump Mobile» kompaniýasy programma üpjünçiliginiň täzelenmelerini özbaşdak işläp düzmeýär, bu bolsa enjamyň uzak möhletleýin ulanylmagyny çäklendirip biler.
Smartfonyň bahasy 500 dollar.
