Halkara futbol federasiýasy (FIFA) sosial sahypalarynda 2026-njy ýyldaky dünýä çempionatynyň final oýnunda ulanyljak «Trionda Final» resmi topunyň ilkinji suratlaryny paýlaşdy.
«Bütin dünýäniň seredýän wagty, her bir galtaşygyň ähmiýeti bar. Siziň dykgatyňyza — Trionda Final» diýlip, neşir edilen ýazgyda bellenilýär.
Gurluşy we kameralarynyň ýerleşişi boýunça bu täze top, häzirki dünýä birinjiliginde oýnalýan esasy «Trionda» modeli bilen doly meňzeşdir.
«Trionda Final-yň» daşky görnüşi ak reňkde bolup, ony gara, altynsow we gyzyl öwüşginli bezeg elementleri doldurýar. Şeýle hem, topuň ýüzüne häzirki ýaryşyň oýunlaryny kabul edýän ähli şäherleriň atlary ýazylypdyr.
Ýadyňyzda bolsa, häzirki wagtda dünýä çempiony adyny Argentina ýygyndysy saklaýar. 2022-nji ýyldaky öňki dünýä çempionatynyň final duşuşygynda argentinaly futbolçylar Fransiýa bilen garşylaşypdylar. Ol dartgynly oýun esasy we goşmaça wagtda 3:3 hasabynda deňlik bilen tamamlanypdy, oýundan soňky jerime urgularynda bolsa argentinalylar 4:2 hasabynda ýeňiş gazanypdy.
