FIFA-nyň Ynsanperwer gaznasy Wenesuelada weýrançylykly ýertitremelerden ejir çekenlere 1 million dollar möçberinde serişde ugradar. Bu barada FIFA-nyň resmi saýtynda habar berilýär.
«Şu örän agyr pursatda Wenesuelanyň halky bütindünýä futbol maşgalasynyň doly goldawyny alýar. Futbol, aýratyn-da, çökgünlik pursatlarynda adamlary birleşdirmekde we umyt bermekde üýtgeşik ukyba eýedir» – diýip, FIFA-nyň prezidenti Janni Infantino aýtdy.
Wenesuelada 24-nji iýunda 7,2 we 7,5 bal ululykda iki güýçli ýertitreme boldy. Bu sarsgynlar ýurtda 1900-nji ýyldan bäri iň güýçli ýertitremeler boldy. Tebigy betbagtçylygyň netijesinde 856 bina zeper ýetdi, 190-dan gowragy bolsa doly weýran boldy.
Ýurtda aradan çykanlaryň sany 3889 adama ýetdi, 6462 adam şikes aldy.
