"FAW Toyota" bilelikdäki kärhanasy Hytaýda "WALD" ýapon awtobezeg-atelýesi bilen bilelikde işlenip düzülen "Land Cruiser Prado 250-niň" ýene-de bir ýörite wersiýasyny — "Prado WALD" modelini tanyşdyrdy.
Awtoulagyň teklip edilýän bahasy 499,8 müň ýuana (~70 müň dollar) barabar bolup, satuwyň başynda model 449,8 müň ýuan (~68 müň dollar) bahadan hödürlenýär. Şeýle hem alyjylara 15 müň ýuana (~2100 dollar) çenli subsidiýalar elýeterlidir.
Täze önüm "TX" komplektasiýasynyň binýadasynda döredildi we öňki hem-de yzky böleginiň täzeden işlenilen dizaýnyny aldy. Awtoulag täze öňki bamper, dik gündelik hereket edýän çyra elementleri, goşmaça matrisa yşyklandyryş elementleri, aerodinamiki örtükler, köp elementli yzky spoýler we täze yzky bamper bilen üpjün edilendir. Öňki böleginiň daşky görnüşi boýunça ulag "Mercedes-Benz G-Class" modelini ýadyňa salýar.
"Prado WALD" modeliniň uzynlygy 170 mm artyp, 5085 mm ýetdi. Ini 1980 mm, beýikligi 1925 mm, teker bazasy bolsa 2850 mm derejede saklanyp galypdyr.
Salonda akylly ses dolandyryşy we üç zonaly klimat-kontroly bolan "Toyota Space" multimedia toplumy oturdandyr.
Tehniki bölegi üýtgewsiz galdy. Ýol zolakly ulag hemişelik doly hereketlendiriji, blokirlenýän "Torsen" merkez differensialy we köpeldilen durnuksyzlygy aýyrýan "SDM" ulgamy bilen üpjün edilendir. 2,4 litrlik turbirlenen benzin hereketlendirijisiniň binýadaky gibrid güýç gurluşy 282 at güýjüni we 430 N·m öwrüji pursatyny öndürýär hem-de sekiz basgançakly awtomatik tizlik gutusy bilen bilelikde işleýär. Maksimal tizlik sagatda 170 km-e deňdir.
