29-njy iýuldan 9-njy awgust aralygynda Astanada «Geljegiň oýunlary 2026» halkara köp ugurly sport ýaryşy geçiriler. Ýaryşa 800-den gowrak kibersportçynyň gatnaşmagyna garaşylýar. Olar halkara klublaryna birleşip, sanly hem adaty sport görnüşlerinde güýç synanyşarlar.
24.kz teleýaýlymy Gazagystanyň paýtagtyna Çernogoriýanyň we Argentinanyň toparlarynyň eýýäm gelendigini habar berdi.
Bäsleşikleri dört sany sport meýdançasy kabul eder: «Qazaqstan» ýeňil atletika sport toplumy, Žaksylyk Uşkempirow adyndaky Söweş sungaty köşgi, «Beeline Arena» milli tennis merkezi we «Barys Arena» buzly köşgi.
Ýaryşyň maksatnamasy:
- Phygital Basketball — 29-njy iýul – 3-nji awgust;
- Battle Royale: PUBG BATTLEGROUNDS — 31-nji iýul – 2-nji awgust;
- MOBA PC Dota 2 — 2–5-nji awgust;
- Phygital Shooter CS2 — 4–8-nji awgust;
- Phygital Football UFL — 4–9-njy awgust;
- MOBA Mobile MLBB — 6–9-ny awgust;
- Phygital Dancing — 6–7-nji awgust;
- Phygital Fighting — 8-nji awgust.
