Lionel Messi dünýä futbolunyň geljekki ýyldyzlary bolup biljek zehinli ýaş futbolçylaryň onusynyň sanawyny düzdi.
Sanaw Adidas kompaniýasynyň «Futboluň geljegini üýtgetjek on zehin» atly mahabat kampaniýasynyň çäginde hödürlendi. Oňa dürli ýurtlaryň klublarynda çykyş edýän ýedi erkek we üç zenan futbolçy girizildi:
- Tomas Aranda — «Boka Huniors» kluby, Argentinanyň milli ýygyndysy;
- Jan Uzun — «Aýntraht Frankfurt» kluby, Türkiýäniň milli ýygyndysy;
- Hilberto Mora — «Tihuana» kluby, Meksikanyň milli ýygyndysy;
- Maks Dauman — «Arsenal» kluby, Angliýanyň milli ýygyndysy;
- Zawýer Gozo — «Kristal Pelas» kluby, ABŞ-nyň milli ýygyndysy;
- Hesus Rodriges — «Komo» kluby, Ispaniýanyň milli ýygyndysy;
- Kes Smit — «AZ Alkmar» kluby, Niderlandlaryň milli ýygyndysy;
- Hloýa Sarwi — «Çelsi» zenanlar topary, Angliýanyň milli ýygyndysy;
- Jowanna Waksman — «Lion» zenanlar topary, Braziliýanyň milli ýygyndysy;
- Lotta Wrede — «Gamburg» zenanlar topary, Germaniýanyň milli ýygyndysy.
Bu Adidas kompaniýasynyň Messi bilen bilelikde durmuşa geçirýän birinji taslamasy däl. Mundan öň «Messi+10» atly kampaniýanyň çäklerinde argentinaly futbolçy Niko Pas, Kendri Paes we Andreý Santos ýaly ýaş zehinleri hem aýratyn tapawutlandyrypdy. Olara ýörite taýýarlanan «F50 Vis10n» futbol aýakgaplary gowşurylypdy.
Täze kampaniýanyň esasy maksady dünýä futbolunyň geljegini kesgitlejek ýaş nesliň wekillerinde köpçüligiň gözüni eglemekden ybarat.
Messiniň özi bolsa Argentinanyň milli ýygyndysyndaky çykyşlaryny tamamlandan soň, «Inter Maýami» klubunda üstünlikli karýerasyny dowam etdirýär.
