Honda kompaniýasy Accord modeller hatarynda giň gerimli täzelenişi geçirmäge taýýarlanýar. Täze nesil modeliň tanyşdyrylyşy 2027-nji ýylyň ikinji ýarymyna meýilleşdirilýär. Bu barada Automotive News neşiri habar berýär.
Täze model düýpli üýtgedilen dizaýna eýe bolar. Şeýle hem model tapgyrynda uniwersalyň we krossoweriň aýratynlyklaryny özünde jemleýän täze görnüş peýda bolar.
Accord-yň daşky görnüşi has sport we futuristik äheňde bolar. Täze dizaýnda Honda-nyň elektrik hereketlendirijili 0 Series hatarynyň konseptual modellerinden ýa-da kompaniýanyň 2026-njy ýylyň ýazynda görkezen prototipinden käbir çözgütleriň ulanylmagy mümkin.
Awtoulagyň salonynda has uly displeýleriň, giňişleýin multimedia mümkinçilikleriniň we ýokary hilli bezeg materiallarynyň ulanylmagyna garaşylýar.
Şol bir wagtyň özünde, awtoulagyň tehniki binýadynyň öňküligine galdyrylmagy mümkin. Ýangyjyň sarp edilişini azaltmak we tygşytlylygy ýokarlandyrmak maksady bilen, ulagyň göwrümi 1,5 we 2,0 litr hereketlendirijiler bilen işleýän gibrid güýç ulgamlary kämilleşdiriler.
