2-nji noýabrda Türkmenistanyň daşary işler ministri Raşid Meredow bilen Eýran Yslam Respublikasynyň daşary işler ministri Seýed Abbas Aragçiniň duşuşygy geçdi. Diplomatlar ikitaraplaýyn hyzmatdaşlygyň geljegini maslahatlaşdylar.
Taraplar iki ýurduň daşary syýasat edaralarynyň arasynda işjeň dialogy dowam etdirmegiň möhümdigini nygtap, sebit we halkara gün tertibiniň esasy meseleleri boýunça pikir alyşdylar.
Gepleşiklerde medeni-ynsanperwer gatnaşyklary mundan beýläk-de ösdürmäge aýratyn üns berildi.
Duşuşygyň netijeleri boýunça ministrler özara hormat goýmak we açyklyk ýörelgelerine esaslanýan hoşniýetli goňşuçylyk gatnaşyklaryny pugtalandyrmagyň ähmiýetini bellediler.
