“Uly tuwulga” ýaryşlarynyň üç gezek ýeňijisi, dünýä reýtinginiň lideri bolan belarusly tennisçi Arina Sobolenko Maýamide (ABŞ) geçirilen WTA-1000 ýaryşynyň çempiony boldy. Ol finalda dünýäniň bäşinji raketkasy, amerikaly Jessika Pegulany utdy. Ýaryşyň baýrak gaznasy tas 9 mln dollara barabar.
Oýun 1 sagat 29 minut dowam etdi we Sobolenkonyň peýdasyna 7:5, 6:2 hasabynda tamamlandy.
Maýamidäki titul Sobolenkonyň karýerasynda ýekelikde 19-njy, WTA-1000 ýaryşlarynda sekizinji we 2025-nji ýylda ikinji boldy.
