Prezident Serdar Berdimuhamedow Türkmenistanda ählihalk bag ekmek dabarasyny geçirmek hakyndaky Karara gol çekdi. Resminama laýyklykda, Türkmenistanda 2026-njy ýylyň 21-nji martynda ählihalk bag ekmek dabarasyny geçirmek bellenildi. Bu barada «Watan» habarlar gepleşiginde mälim edildi.
Resminama ýurduň ekologiýa abadançylygyny üpjün etmek we ony gülleýän bagy-bossanlyga öwürmek maksady bilen kabul edildi.
Döwlet Baştutany wise-premýer T.Atahallyýewe bu giň gerimli ekologiýa çäresiniň ýokary derejede guramaçylykly geçirilmegini üpjün etmegi tabşyrdy.
