27-nji martda Türkmenistanyň Daşary işler ministrliginiň binasynda GDA-nyň Hökümet Baştutanlarynyň Geňeşiniň mejlisiniň taýýarlyk meselelerini ylalaşmak boýunça Teswirnama gol çekildi. Bu barada diplomatik edaranyň metbugat gullugy habar berdi.
Resminama Türkmenistanyň daşary işler ministriniň orunbasary S.Muhammetdurdyýew we GDA-nyň Baş sekretarynyň orunbasary D.Trefilow gol çekdi.
Teswirnama öňümizdäki mejlisiň taýýarlygynyň guramaçylyk we mazmun meselelerini utgaşdyrmaga gönükdirilendir.
GDA-nyň Hökümet Baştutanlarynyň Geňeşiniň mejlisi 2026-njy ýylyň 22-nji maýyna meýilleşdirildi we ol Aşgabatda geçiriler.
