Samsung kompaniýasy Barclays banky bilen bilelikde Galaxy ekoulgamynyň gurluşlary satyn alnanda ýokary keşbek hödürleýän Galaxy Card karz kartyny hödürledi. Häzirki wagtda bu kart diňe ABŞ-nyň ýaşaýjylary üçin elýeterli bolar.
Galaxy Card adaty Visa karty ýaly işleýär we Samsung Wallet-e girizilendir. Ýüz tutma tassyklanandan soň, ulanyjylar dessine wirtual kartdan peýdalanyp biler, eger isleseler gara reňkli fiziki metal karty hem sargap biler.
Kart eýelerine aşakdaky keşbek şertleri hödürlenýär:
- 5% — göni Samsung-dan enjamlary satyn alandygyň üçin;
- 3% — Samsung Wallet arkaly söwda üçin;
- 2% — Netflix we Spotify ýaly striming hyzmatlaryna ýazylandygyň üçin;
- 1% — beýleki ähli söwdalar üçin.
Täze müşderiler kart resmileşdirilenden soňky ilkinji üç aýyň dowamynda 2 müň dollara çenli möçberde edilen söwdalar üçin 10% keşbek alyp biler. Mundan başga-da, olara enjamlary ätiýaçlandyrmagy we birinji derejeli hyzmat etmegi öz içine alýan Samsung VIP Advantage abunasyna 20% arzanlaşyk berler.
Kompaniýa Galaxy Card kartyny Galaxy Unpacked tanyşdyrylyşyndan bir gün öň anons etdi. Karty täze Samsung enjamlarynyň (olaryň arasynda eplenýän smartfonlaryň, akylly sagatlaryň we AR-äýnekleriň bolmagyna garaşylýar) satylyp başlanmagy bilen bir wagtda resmileşdirip bolar.
