Samsung kompaniýasy eplenýän smartfonlaryň täze neslini — esasy Galaxy Z Fold 8 we premial Galaxy Z Fold 8 Ultra modellerini resmi taýdan tanyşdyrdy. Täze önümler rekord derejede ýuka korpuslar, täzelenen ekranlar we ösen aparat enjamlary bilen üpjün edildi.
Samsung Galaxy Z Fold 8: ýeňillik, täze proporsiýalar we titan
Täze model ekranlaryň üýtgedilen proporsiýalary bilen tapawutlanýar. Daşky 5,5 dýuýmlyk ekran (WUXGA+, 120 Gs) 10:16 taraplar gatnaşygyny aldy. Samsung-yň bellemegine görä, bu «gündelik meseleler — messenjerlerde aragatnaşyk saklamak, sosial ulgamlary görmek, maglumat gözlemek we gysga wideo rolikler üçin adaty hem-de amatly formaty» üpjün edýär.
Içki 7,6 dýuýmlyk Dynamic AMOLED 2X ekrany (QXGA+, 1–120 Gs, Vision Booster, ýagtylygy 3000 nite çenli) 4:3 proporsiýasyna eýe. Şuňa meňzeş proporsiýalara geljekki iPhone Ultra-da hem garaşylýar.
Smartfon seriýadaky iň ýeňili boldy — bary-ýogy 201 gramm. Onuň galyňlygy ýygnalan ýagdaýynda 9,7 mm we açylan ýagdaýynda 4,5 mm. Berkligini ýitirmän, galyňlygy azaltmaklyk displeý gurluşynda titandan elementleri bolan Flex Titanium tehnologiýasy, şeýle hem has ýumşak açylýan täzelenen şarnir arkaly başartdy.
Aparat bölegi we häsiýetnamalary:
- Prosessor: Snapdragon 8 Elite Gen 5 for Galaxy.
- Kameralar: iki sany esasy 50 megapiksel modul (giň burçly we örän giň burçly).
- Akkumulýator: 4800 mA·s (simli zarýad beriş 45 Vt, simsiz 20 Wt-a çenli, ters simsiz zarýad).
- PÜ we aragatnaşyk: One UI 9 bilen Android 17, 5G goldawy, Wi-Fi 7, Bluetooth 6.0, IP48 standarty boýunça tozandan we suwdan gorag.
Model lawanda, grafit we krem reňklerinde çykar. Şeýle hem pisse reňkli görnüşi hem bar, ýöne ol diňe Samsung-yň resmi dükanynda «Online Exclusive» hatarynyň çäginde elýeterlidir.
ABŞ dollaryndaky bahalary
- Wersiýa 12/256 GB: $1 899
- Wersiýa 12/512 GB: $2 019
- Wersiýa 16 GB / 1 TB: $2 259
Samsung Galaxy Z Fold 8 Ultra: mümkinçilikleriň aňrybaş çägi we iň ýuka korpus
Flagman Galaxy Z Fold 8 Ultra Fold hatarynyň taryhynda iň ýuka korpusa eýe boldy — ýygnalan ýagdaýynda 8,9 mm we 215 gramm agramda açylan ýagdaýynda bary-ýogy 4,1 mm. Enjam 8 dýuýmlyk içki Dynamic AMOLED 2X ekrany (QXGA+, 1–120 Gs, Vision Booster) we 6,5 dýuýmlyk daşky displeý (Full HD+, 120 Gs) bilen üpjün edilendir.
Öndürijilik üçin täzelenen sowadyş ulgamy bolan Snapdragon 8 Elite Gen 5 for Galaxy çipseti jogapkärdir. Enjam 5000 mA·s akkumulýator bilen iýmitlenýär (meňzeş kuwwatly zarýad beriş: 45 Wt simli, 20 Wt simsiz, ters zarýad beriş).
Esasy kamera üç moduldan ybarat: baş sensor 200 Mp, örän giň burçly 50 Mp we 3 esse optiki zumly telekamera 10 Mp. Selfi kamerasy 10 Mp rugsatyna eýe. Smartfon gowulandyrylan gijeki režimini, täze APV kodek bilen 8K wideo ýazgyny we enjamynyň özünde kinematografiki reňk düzedişi üçin Cine LUT funksiýasyna eýe boldy.
Emeli aň we howpsuzlyk:
Uly ekran Galaxy AI täze funksiýalaryna uýgunlaşýandyr, olaryň arasynda:
- Şahsylaşdyrylan «Meniň günüm» gysgaça beýany.
- Hat alyşmalara esaslanýan akylly maslahatlar.
- Onlarça goşundylarda bir wagtda çylşyrymly ssenariler bilen işlemek we «Belliklerde» duşuşyklaryň / resminamalaryň rezýumelerini döretmek üçin täzelenen Gemini Intelligence.
Howpsuzlyk Samsung Knox platformasy, Knox Vault moduli we AI işine gözegçilik edýän täze gurallar arkaly üpjün edilýär.
Smartfon One UI 9 bilen Android 17 ulgamynda işleýär, 5G, Wi-Fi 7, Bluetooth 6.0 goldaýar we IP48 standarty boýunça goralandyr.
Model grafit, krem we bägül reňklerinde satuwa çykarylar. Şeýle hem Green Shadow (Ýaşyl kölegeli) eksklýuziw öwüşgini hem bar, ýöne ol hem diňe Samsung-yň resmi saýtyndan sargyt etmek üçin elýeterlidir.
Ähli modifikasiýalaryň bahalary
- Wersiýa 256 GB (12 GB RAM): $2 099
- Wersiýa 512 GB (12 GB RAM): $2 219
- Wersiýa 1 TB (16 GB RAM): $2 459
