Türkmenistanyň Prezidenti Serdar Berdimuhamedow Italiýa Respublikasynyň Prezidenti Serjio Mattarella onuň 85 ýaş toýy mynasybetli gutlaglaryny iberdi. Bu barada TDH habar berýär.
«Biz ýurtlarymyzyň arasyndaky dostlukly gatnaşyklara ýokary baha berýäris hem-de bu gatnaşyklaryň Türkmenistanyň we Italiýanyň halklarynyň bähbidine mundan beýläk-de ösdüriljekdigine berk ynanýarys» – diýip, döwlet Baştutany öz ýüzlenmesinde nygtady.
Pursatdan peýdalanyp, Serdar Berdimuhamedow Serjio Mattarella berk jan saglyk we bagtyýarlyk, Italiýanyň halkyna bolsa parahatçylyk, mundan beýläk-de abadançylyk we rowaçlyk arzuw etdi.
Serjio Mattarella Italiýanyň 12-nji prezidentidir. Ol bu wezipäni 2015-nji ýylyň 3-nji fewralyndan bäri eýeleýär we Italiýa Respublikasynyň taryhynda iň uzak wagt bäri ýurdy dolandyrýan Prezidentdir. 2022-nji ýylda ol eýýäm ikinji ýedi ýyllyk möhlete gaýtadan saýlandy.
Italiýada Prezident esasan wekilçilikli we arbitraž işlerini berjaý edip, syýasy çökgünlikleri çözmekde we ýurduň hökümetini düzmekde esasy orny eýeleýär.
