ABŞ-nyň Prezidenti Donald Tramp ýurduň kosmos uçuşlarynyň we gonuşlarynyň sanyny 2030-njy ýyla çenli ýylda 1000-den hem artdyrmagy göz öňünde tutýan memoranduma gol çekdi. Häzirki wagtda amerikan kosmos pudagy her ýyl ortaça 200-den gowrak uçuşy amala aşyrýar.
Resminama kosmos ulag infrastrukturasynyň ösüşini çaltlandyrmagy hem-de döwletiň hususy kompaniýalar bilen hyzmatdaşlygyny giňeltmegi göz öňünde tutýar. Şeýle hem administrasiýa býurokratik bökdençlikleri azaltmagy, uçuşlary geçirmäge we gerekli infrastrukturany gurmaga rugsatnamalary bermegi tizleşdirmegi niýet edinýär.
Mundan başga-da Tramp Marsa gonmak üçin robotlary täjirçilik maksatly ulanmagyň mümkinçiliklerini öwrenmegi tabşyrdy. Geljekki maksatnamalarda Gyzyl planeta adamlaryň gatnawyny ýola goýmak meselelerine-de serediler.
Memorandumuň maksady kosmos uçuşlarynyň depginini ýokarlandyrmak we Aýy hem-de Marsy öwrenmek bilen baglanyşykly maksatnamalary ösdürmek bolup durýar.
