Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow «Türkmenistanyň prokuraturasy hakynda» Türkmenistanyň Kanunynyň 16-njy maddasyna laýyklykda, Balkan, Lebap we Mary welaýatlarynda prokurorlary bellemek hem-de wezipeden boşatmak barada Karara gol çekdi. Bu barada TDH habar berýär.
Resminama laýyklykda:
- Ýustisiýanyň geňeşçisi Döwletgeldi Gurbanmämmedowiç Mämmetamanow Mary welaýatynyň Mary şäheriniň prokurory wezipesinden boşadyldy. Bu wezipä 2-nji derejeli ýurist Sapaguly Rasulgulyýewiç Welbekow bellenildi.
- Ýustisiýanyň geňeşçisi Serdar Otuzowiç Hojamgulyýew Balkan welaýatynyň Balkanabat şäheriniň prokurory wezipesinden boşadyldy. Bu wezipä 2-nji derejeli ýurist Azat Şähergeldiýew bellenildi.
- Ýustisiýanyň geňeşçisi Batyr Rozmyradowiç Artykow Mary welaýatynyň Garagum etrabynyň prokurory wezipesinden boşadyldy. Bu wezipä 2-nji derejeli ýurist Baýrammuhammet Çarymämmet ogly Ýaryýew bellenildi.
- 2-nji derejeli ýurist Şirguly Bäşimkulyýewiç Şirkulyýew Lebap welaýatynyň Döwletli etrabynyň prokurory wezipesinden boşadyldy.
