«France Football» žurnaly 2025/26 möwsüminiň netijeleri boýunça iň gowy futbolçy üçin berilýän baýraga — «Altyn topa» dalaş edýän 30 futbolçynyň sanawyny yglan etdi.
Dalaşgärleriň hataryna rekord derejede sekiz gezek «Altyn topy» alan, «Inter Maýaminiň» 39 ýaşly argentinaly hüjümçisi Lionel Messiniň girmegi aýratyn ünsi çekýär. Futbolçy Argentinanyň ýygyndy topary bilen 2026-njy ýylyň dünýä çempionatynyň finalyna ýetip, Ispaniýadan utuldy (0:1).
«France Football» žurnalynyň bellemegine görä, bu Lionel üçin eýýäm 17-nji gezek dalaşgär görkezilmegidir — ondan öňde diňe «Al-Nasr» toparynyň hüjümçisi Kriştianu Ronaldu bar (18). Ýeri gelende bellesek, 41 ýaşly portugaliýaly oýunçy eýýäm yzygiderli dördünji gezek bu sanawa girmedi.
Şeýle hem iň gowy 30 oýunçynyň sanawynda Rafinýa («Barselona», Ispaniýanyň ýygyndysy), Pedri («Barselona», Ispaniýanyň ýygyndysy), Bredli Barkola («Liwerpul» / «PSŽ», Fransiýanyň ýygyndysy), Bukaýo Saka («Arsenal», Angliýanyň ýygyndysy), Martin Edegor («Arsenal», Norwegiýanyň ýygyndysy), Dawid Raýa («Arsenal», Ispaniýanyň ýygyndysy) we Enso Fernandes («Mançester Siti» / «Çelsi», Argentinanyň ýygyndysy) ýaly oýunçylar hem ýok.
Dalaşgärleriň arasynda, esasan, Fransiýanyň «Pari Sen-Žermeniň» futbolçylary agdyklyk edýär — toparyň 10 oýunçysy sanawa girdi.
Ondan soňky orunlary Madridiň «Real» we Mýunheniň «Bawariýa» klublary paýlaşýar — olaryň her birinden 4 futbolçy bar. «Barselona» we «Arsenal» toparlaryndan bolsa 3 futbolçy dalaşgär görkezildi.
«Altyn top» baýragyna dalaşgär futbolçylaryň doly sanawy:
- Jud Bellingem («Real Madrid»);
- Pau Kubarsi («Barselona»);
- Mark Kukurelýa («Real Madrid»);
- Usman Dembele («Pari Sen-Žermen»);
- Luis Dias (Mýunheniň «Bawariýasy»);
- Brunu Fernandeş («Mançester Ýunaýted»);
- Erling Holand («Mançester Siti»);
- Gabriel («Arsenal»);
- Harri Keýn (Mýunheniň «Bawariýasy»);
- Aşraf Hakimi («Pari Sen-Žermen»);
- Lamin Ýamal («Barselona»);
- Hwiça Kwarasheliýa («Pari Sen-Žermen»);
- Markinýos («Pari Sen-Žermen»);
- Sadio Mane («Al-Nasr»);
- Lautaro Martines («Inter Milan»);
- Kilian Mbappe («Real Madrid»);
- Nunu Mendeş («Pari Sen-Žermen»);
- Lionel Messi («Inter Maýami»);
- Maýkl Olise (Mýunheniň «Bawariýasy»);
- Žoao Neweş («Pari Sen-Žermen»);
- Wilýan Paço («Pari Sen-Žermen»);
- Hulian Kinýones («Al-Kadisiýa»);
- Deklan Raýs («Arsenal»);
- Rodri («Mançester Siti» / «Barselona»);
- Fabian Ruis («Pari Sen-Žermen»);
- Ferran Torres («Barselona» / «Pari Sen-Žermen»);
- Wilýam Saliba («Arsenal»);
- Daýo Upamekano (Mýunheniň «Bawariýasy»);
- Winisius Žunior («Real Madrid»);
- Witinýa («Pari Sen-Žermen»).
«Altyn topa» esasy dalaşgär «Bawariýanyň» hüjümçisi Harri Keýn hasaplanýar — iňlis futbolçysynyň 2025/26 möwsüminde 73 goly, mýunhenliler bilen gazanan Germaniýanyň üç kubogy we DÇ-2026-nyň bürünç medaly bar. Parižlileriň arasyndan bolsa, esasan, Hwiça Kwarasheliýa saýlanýar.
2026-njy ýylyň «Altyn top» baýragynyň ýubileý 70-nji gowşurylyş dabarasy 26-njy oktýabrda geçiriler. Ol 1956-njy ýylda «France Football» žurnaly tarapyndan döredilen baýragyň ilkinji eýesi, iňlis futbolçysy Stenli Mettýuzyň hormatyna ilkinji gezek Londonda geçer.
