9-njy sentýabrda Merkezi Aziýa ýurtlaryny we ABŞ-ny birleşdirýän «C5+1» formatynyň sekretariatynyň nobatdaky mejlisi geçirildi.
Gatnaşyjylar bu mehanizmiň mundan beýläkki ösüşini, ozal gazanylan ylalaşyklaryň ýerine ýetirilişini we amaly hyzmatdaşlygyň täze ugurlaryny maslahatlaşdy.
Sebit hyzmatdaşlygy aýratyn üns merkezinde boldy. Taraplar köptaraplaýyn gatnaşyklar maksatnamasyny mundan beýläk-de baýlaşdyrmak boýunça tekliplere, şeýle hem öňde duran duşuşyklara we çärelere taýýarlyk görmek meselelerine seredip geçdi.
Gatnaşyjylar aýratynlykda möhüm minerallar, söwda we ulag pudaklarynda hyzmatdaşlygy giňeltmek mümkinçiliklerini maslahatlaşdy. Şeýle hem Merkezi Aziýa ýurtlarynyň we ABŞ-nyň döwlet edaralarynyň hem-de bilermenler toparlarynyň arasyndaky gatnaşyklary ösdürmek barada gürrüň edildi.
Mejlise gatnaşyjylar sebit hyzmatdaşlygyny we bilelikdäki başlangyçlary öňe sürmek üçin «C5+1» formatyndaky yzygiderli gatnaşyklaryň ähmiýetini nygtady.
