Amerikaly telekeçi Ilon Mask ABŞ-nyň Kongresine geçiriljek aralyk saýlawlaryň öňüsyrasynda Respublikan partiýasyny goldamak üçin azyndan 445 million dollar haýyr-sahawatyna berdi. Bu barada CNN teleýaýlymy habar berýär.
Serişdäniň esasy bölegi respublikanlaryň Senatdaky täsirini pugtalandyrmaga ýardam bermek üçin gönükdirildi. Teleýaýlymyň maglumatyna görä, Maskyň uly möçberdäki maliýe goldawy ony Kongresdäki güýçleriň paýlanyşyna täsir etjek saýlaw möwsüminiň iň iri hemaýatkärine öwürdi.
Diňe oktýabr aýynyň ilkinji iki hepdesinde telekeçi goşmaça 76,8 million dollar serişde geçirdi. Mundan öň The New York Times neşiri telekeçiniň iýul-sentýabr aýlarynda Respublikan partiýanyň syýasy hereket komitetlerine we guramalaryna 276 million dollardan gowrak pul gönükdirendigini habar beripdi. Şol serişdeleriň 158 million dollary Senatda respublikan dalaşgärleri goldaýan Senate Leadership Fund syýasy hereket komitetine berildi.
ABŞ-nyň Kongresine aralyk saýlawlar 3-nji noýabrda geçiriler.
