Nikon kompaniýasy mikroskopik dünýäniň gizlin gözelligini açyp görkezýän, dünýäniň dürli künjeklerinden alymlary we suratçylary birleşdirýän 51-nji “Small World” mikrofotografiýa bäsleşiginiň ýeňijilerini yglan etdi.
Baş baýraga hytaýly suratçy Çžan Ýu tüwi dänesiniň üstündäki bugdaý bitiniň suraty üçin mynasyp boldy. Surat oba hojalygyna zyýan berijini garaşylmadyk pursatda — ganatlaryny ýazyp, hereket edip duran ýagdaýynda görkezýär.
Nikon Small World 2025 bäsleşiginiň iň gowy 10 işi:
Tüwi dänesiniň üstündäki bugdaý biti / © Çžan Ýu (Zhang You)
Suw damjasynda Volvox suwotulary / © dr. Ýan Rozenbum (Dr Jan Rosenboom)
Möý kerebindäki tozgajyk / © Jon-Oliwer Dum (John-Oliver Dum)
Ýürek myşsasynyň öýjükleri / © dr. Jeýms Heýes (Dr James Hayes)
Ceratopteris richardii paporotniginiň sporalary / © dr. Igor Siwanowiç (Dr Igor Siwanowicz)
Alakanyň bagyr öýjükleri / © dr. Fransisko Lasaro-Dýeges (Dr Francisco Lázaro-Diéguez)
Sensor neýronlar / © Stella Uittaker (Stella Whittaker)
Malwanyň tozgajygy / © dr. Igor Siwanowiç (Dr Igor Siwanowicz)
Talaromyces purpureogenus kömelegi / © Wim wan Egmond (Wim van Egmond)
Ýürek myşsasynyň öýjükleri / © dr. Dilan Býornet & dr. Jeýms Heýes (Dr Dylan Burnette & Dr James Hayes)
Bäsleşik ýylyň dowamynda mikroskop arkaly düşürilen iň täsirli suratlary görkezýär we ylmyň hem-de sungatyň birleşýän nokadyny açyp görkezmekde möhüm ähmiýete eýedir.
