2026-njy ýyldaky futbol boýunça dünýä çempionaty Halkara futbol federasiýasyna (FIFA) 15 milliard dollar möçberinde rekord girdeji getirdi. «The Guardian» neşiriniň habar bermegine görä, gurama ilkibaşda, takmynan, 11 milliard dollar almaga garaşypdy.
Neşiriň maglumatlaryna görä, girdejiniň artmagynyň esasy faktorlarynyň biri petekleriň satuwy, şol sanda olaryň gaýtadan satylmagy boldy. FIFA hem alyjydan, hem satyjydan 15% möçberinde komissiýa alýar, bu bolsa guramanyň girdejilerine düýpli täsir etdi.
Ýokary derejeli myhmanlary garşylamak we ýerleşdirmek boýunça hyzmatlar hem ýene-de bir uly girdeji çeşmesine öwrüldi. Edil şu ugurlar jemi girdejiniň garaşylýan görkezijilerden ep-esli ýokary bolmagyna getirdi.
