ABŞ-da BMW, Ram we Tesla awtoulaglarynyň eýeleri ätiýaçlandyryş ýüzlenmelerine, başgalara garanyňda, has ýygy-ýygydan gatnaşdylar. Munuň şeýledigine "LendingTree" kompaniýasynyň 2025-nji ýylyň diýen ýaly ähli döwründäki maglumatlarna esaslanýan barlagynyň netijeleri şaýatlyk edýär.
Reýting düzülende ýol-ulag hadysalary, tizligi aşyranlyk üçin jerimeler, serhoş ýagdaýda awtoulag dolandyran ýagdaýlar we ýol hereketiniň beýleki düzgün bozulmalary göz öňünde tutuldy.
Birinji orny müň adama 44,9 hadysa bilen BMW-niň sürüjileri eýelediler. Olardan soň Ram pikaplarynyň eýeleri — 44,7 hadysa bilen ýerleşdiler, üçünji hatary bolsa 42,8 netijesi bilen Tesla-nyň sürüjileri eýelediler.
Barlagyň awtorlary bu netijeleriň belli bir awtoulaglaryň adamlary sürüji hökmünde has düzgün-nyzamly etmeýändigini aňlatmaýandygyny belleýärler. Statistika maşynlaryň kuwwaty, brendleriň auditoriýasynyň aýratynlyklary we käbir markalar bilen däp bolan ýaly baglanyşykly bolan sürüjilik stili täsir edip biler.
Gözlegçiler şeýle hem statistiki maglumatlaryň her bir awtoulag eýesine häsiýetnama bermeýändigini we anyk sürüjiniň alyp baryş ugruna baha bermäge mümkinçilik bermeýändigini nygtaýarlar.
