Türkmenistanyň wekilleri «Beýik Ýüpek ýoluna "Arirang" arkaly medeni syýahat» atly halkara aýdym-saz festiwalyna gatnaşdy. Çäre 16-18-nji iýul aralygynda Koreýa Respublikasynda geçirilen halkara dostluk günleriniň çäginde guraldy.
Çykyşlaryň netijeleri boýunça türkmen artistleri ýadygärlik baýraklaryna mynasyp boldy.
Festiwalda Türkmenistana Maýa Kulyýewa adyndaky Türkmen milli konserwatoriýasynyň uly mugallymy B.Gaýypow we Lebap welaýatynyň Çärjew etrabynyň medeniýet merkeziniň artisti A.Jumaýew wekilçilik etdi. Olaryň çykyşlary guramaçylar tarapyndan ýörite ýadygärlik nyşanlary bilen bellenilip geçildi.
Festiwal Beýik Ýüpek ýolunyň ugrundaky ýurtlaryň arasynda medeni alyş-çalşyga bagyşlandy.
