Honor kompaniýasy uly göwrümli rebrendingi yglan edip, täze logotipini we täzelenen şygaryny tanyşdyrdy, şeýle hem emeli aňly enjamlary global işläp düzüji hökmünde özüni görkezmek ugruna geçýändigini aýtdy.
Brendiň täze şygary ozalky «Go beyond» («Çäkden çyk») jümlesiniň deregine gelen «Dare to be» («Bolmaga het et») boldy. Şeýle-de, kompaniýa öz firma stilini täzeledi: logotip grafiki nyşana eýe boldy, adaty gök reňk bolsa has doýgun PANTONE 2193C reňk öwüşginine çalşyldy.
Honor ulanyjylara öz mümkinçiliklerini açmaga kömek etjek tehnologiýalary döretmäge ünsi jemlemekçidigini mälim etdi. 2026-njy ýylda kompaniýa enjamlaryň täze görnüşini — HONOR Robot Phone-y hödürlemegi meýilleşdirýär.
Mundan başga-da, brend EA-agentler bilen özara gatnaşyklar üçin Agentic OS operasion ulgamyny işläp düzýändigini habar berdi. AiMAGE bulut foto-ulgamy bolsa ARRI kino enjamlaryny öndürijisi bilen tehnologik hyzmatdaşlyk arkaly goldaw aldy.
Şeýle hem kompaniýa dürli taslamalar bilen hyzmatdaşlyk etmek, enjamlaryň adatdan daşary synaglaryny geçirmek we halkara çärelerine gatnaşmak arkaly ýaşlar medeniýetinde öz ornuny giňeltmäge ymtylýar.
