Misiň bahasy düýnki ýeten rekord derejesine garamazdan, ýene-de gymmatlamagyny dowam edýär.
London metallar biržasynda (LME) üç aýlyk fýuçersleriň nyrhlary sişenbe güni 0,5% ýokarlanyp, bir tonna üçin 14 349,5 dollara ýetdi. Çarşenbe güni bolsa olar ýene 0,5% artyp, tonnasynyň bahasy 14 415,5 dollar boldy.
Comex biržasynda misiň sentýabr fýuçersleri bir funt üçin 6,73 dollardan bahalanýar, bu bolsa 25-nji awgustdaky söwdalaryň ýapylyşyndan 0,3% ýokarydyr.
Hytaýyň Zijin Mining kompaniýasy Kongo Demokratik Respublikasyndaky mis kärhanasynda bolup geçen suw basma zerarly bu ýylky önümçiliginiň 57 müň tonna çenli peselmeginiň ahmaldygyny duýdurdy. Şu ýagdaýyň özi-de bazara goşmaça basyş ýetirip biler.
Şu ýyl LME biržasynda misiň bahasy ABŞ-a metal üpjünçiliginiň ep-esli artmagy we beýleki ýurtlardaky ätiýaçlyklaryň azalmagy sebäpli, takmynan, 16% ýokarlandy.
