«Underwater Awards Australasia» suwasty fotosuratlar bäsleşiginiň guramaçylary üçünji möwsümiň netijelerini jemläp, suw astynda surata düşürmekde iň ussat suratçylary saýlady. Bäsleşikde Okeaniýa ýurtlarynyň deňiz tebigatynyň haýran galdyryjy görnüşlerini görkezýän işler öňe saýlandy.
Baş baýraga — «Bäsleşigiň iň gowy işi» diýen ada Ket dos Remediosyň «Aždarha» atly gysga göwrümli filmi mynasyp boldy.
Galan ugurlar boýunça ýeňijiler:
«Awstraliýa»: Afalina jübüti bilelikde toty-balyklaryň sürüsini bir ýere gysýar. / © Jake Wilton
«Suwasty kamera»: Ak zolakly, açyk mämişi reňkli masgarabaz-balyk goňras aktiniýanyň murtlarynyň arasynda gizlenýär. Ol kamera tarap nägilelik bilen seredýärkä, yz tarapynda suratçynyň suwa çümen gaýygy görünýär. / © Qian Kun
«Sidneý»: Sorujy balyk otlukda ýaşaýan deňiz aždarhasynyň arkasyna ýapyşypdyr. Bu ownuk balyklar hakyky ýapyşaganlardyr: olar daşlara, suwotulara, merjenlere we deňizdäki beýleki jandarlarda mugthorlyk edýärler. Şeýle goňşuçylyk kommensalizm häsiýetine eýedir: sorujy balyk hojaýynyny ulag we ýyrtyjylardan gaçybatalga hökmünde ulanýar, şol bir wagtyň özünde oňa ne peýda, ne-de zyýan berýär. / © Talia Greis
«Portfolio»: Sekizaýak / © Giacomo Marchione
«Portfolio»: Sekizaýak / © Giacomo Marchione
«Halkara suwlary»: Jibuti Respublikasynyň Tajura aýlagynda läheň akulalary/ © Simone Caprodossi
«Diňe suw»: Täze Günorta Welsiň günorta kenarlarynda daň wagtyndaky tolkun. / © Tom Healy
«Smartfon / ekşn-kamera»: Merjen suwotularynyň arasynda gizlenen arwah-balyk (Solenostomus halimeda). / © Enrico Somogyi
«Tebigaty goramak»: Uly ýüp urganlara çolaşyp galan örküçli ýaş läheň. Ýerli häkimiýetleriň we batyrgaý guwwasyň kömegi bilen ony halas etmek başartdy. / © Annika Dahlberg
Bäsleşigiň netijeleri Awstraliýanyň Sidneý şäherinde geçirilen «Go Diving Show ANZ» sergisiniň çäklerinde guralan sylaglamak dabarasynda yglan edildi. Çärede deslapky tapgyra geçen suratçylaryň işleriniň ýokary hilli metal neşirleri hem görkezildi.
Taslama «DivePhotoGuide (DPG)», «Underwater Australasia» we «UW Images» guramalary tarapyndan guraldy.
