Günorta Ural döwlet uniwersitetiniň alymlary, adaty önümler bilen deňeşdirilende, peýdaly bakteriýalaryň mukdary 10 esse köp bolan süýt önümlerini döretdi. Bu barada TASS Günorta Ural döwlet uniwersitetiniň azyk we biotehnologiýalar kafedrasynyň dosenti Rinat Fatkulliniň sözlerine salgylanyp, TASS agentligi habar berýär.
«Günorta Ural döwlet uniwersitetiniň Ýokary lukmançylyk-biologiýa mekdebiniň alymlary kurkumin ýa-da ergosterin bilen baýlaşdyrylan hamyrmaýa biomassasy, şeýle hem ösümlik goşundylary goşulan ýogurt döretdi. Täze önümler adaty önümlerden ähli babatda has gowy netije görkezdi. Onda peýdaly bakteriýalaryň sany 10 esse artdy we antioksidant işjeňligi 84% boldy (adaty önümleriňki 62%)» diýip, agentligiň söhbetdeş bolan habarçysy aýtdy.
Ösümlik goşundysy hökmünde maýsalan bugdaýyň uny we sarundan taýýarlanan belok önümi ulanyldy. Täze goşundylar peýdaly bakteriýalaryň ýaşaýyş ukybyny saklamaga we turşy gurşawda hem öz häsiýetlerini ýitirmeýän bioaktiw maddalary goşmaga mümkinçilik berdi.
«Kurkumin we ergosterin antioksidant işjeňligi ylmy taýdan subut edilen maddalardyr. Kurkumin öýjükleri okislenme stresinden goraýar, emma suwda eremesi kyn we çalt dargaýar. Ergosterin bolsa immun ulgamynyň kadaly işlemegine ýardam edýän D2 witamininiň başlangyç maddasydyr. Gözlegleriň dowamynda bu maddalar öňünden taýýarlanan hamyrmaýa öýjükleriniň içine ýerleşdirildi» diýip, Fatkullin gürrüň berýär.
Alymlar goşundylaryň dürli utgaşmalary bilen 10 sany synag nusgasyny, hiç hili goşundysy bolmadyk adaty süýt önüminiň hem bir gözegçilik nusgasyny taýýarlady. Peýdaly bakteriýalaryň iň ýokary köpelme derejesini maýsalan bugdaý uny üpjün etdi.
Gözlegiň netijelerine görä, işlenip taýýarlanan ýogurt önümleri içegedäki sagdyn mikroflorany saklamaga, immun ulgamyny berkitmäge we öýjükleri okislenme stresinden goramaga kömek edip biler.
