Netflix 2026-njy ýylyň birinji ýarymynda iň köp tomaşa edilen filmleriň we seriallaryň sanawyny çap etdi. Sanawyň başyny "Harby maşyn" (Военная машина) filmi we "Onuňky we onuňky" (Его и её) serialy çekdi.
Alan Riçsonyň baş roly ýerine ýetiren "Harby maşyn" fantastiki söweş filmi 146,9 million tomaşa toplady. Režissýor Patrik Hýuzyň düşüren bu filmi öwrenje esgerleri ýok edýän ägirt uly robot bilen ýüzbe-ýüz bolan harby inžener hakynda gürrüň berýär. Häzirki wagtda Netflix filmiň dowamyny düşürmegiň üstünde işleýär.
Iň meşhur filmleriň bäşligine "Datly bölek" (Лакомый кусок), "Çalşylanlar" (Поменявшиеся), "Keý-pop melgun awçylary" (Кей-поп-охотницы на демонов) we "Çür depe" (Вершина) filmleri hem girdi, olaryň her biri 100 million tomaşa çäginden geçdi.
Seriallaryň arasynda bolsa 104 million tomaşa ýygnan "Onuňky we onuňky" atly triller birinji orny eýeledi. Ikinji orny 100,2 million tomaşa netijesi bilen "Bridžertonlar" serialynyň dördünji möwsümi aldy. Iň meşhur taslamalaryň hataryna "Men seni taparyn" (Я тебя отыщу), "Geň zatlar" (Очень странных дел) serialynyň jemleýji möwsümi we britan detektiwi bolan "Gaç!" (Run Away!) hem goşuldy.
"Onuňky we onuňky" serialy Elison Finiň romanyna esaslanandyr. Serial çagalyk dostunyň öldürilmegini derňeýän žurnalist zenan hakynda gürrüň berýär, onuň öňki ýoldaşy bolsa şübhelileriň biri bolup durýar. Netflix ikinji möwsümi çykarmak meýilnamalary barada entek habar bermedi.
